الحمدلله على انه كل شخص فينا له طاقه للاحتمال
الحمدلله اكثر واكثر اني طاقتي قربت تخلص .. تشبعت ذل! تشبعت اسال وما الاقي جواب! شبعت انتظر وتشبعت اكثر واكثر انو سؤالي يترد عليه بسؤال ..
بديت احس بكره تجاهك .. فكل مره احس اني بانفجر واعاتب اسكت واحطها بقلبي عشان خلاص اكتفي وينتهي كل شي
بالنسبه للنهايه انا حاسه انها قريب .. بس ماراح انهي شي الا لمن يموت قلبي تجاهك ولمن اتاكد انو مافي ولا مشاعر تربطني فيك
حانهي عشان لا ارجع ابدا عشان اقفل الصفحه دي وارتاح .. انت شخص ( اناني ) والله العظيم
لاني اتكلم وما تعلق !
لاني اسال وما تجاوب !
لاني انتظر وما الاقيك !
بس بالمقابل تزعجني لو سالتني سؤال وماجاوبتك عليه تصعب وتزعل
بالمقابل ما تحب تنتظرني وتسال فين كنتي وليش مدري ايش
ابسط مثال: سالتك ايش تسوي قلت ولا شي قلتلك طيب ليش ماترد بدري
سؤالي مرا واضح واجابتو المفروض تكون واضحه لكن انت لازم تطلعني انا الغلطانه ولازم كل سؤال تلفو عليا
ردك كان انتي رديتي 10 !!
ايش دخل انا رديت 10 ولا 1000 !!!
سؤالي بما انك فاضي ليش ماترد بدري !
ليش دايم تخليني اسال كاني اسال الهوا ! ليش عمرك ما تعطيني ولا اجابه
ما اعرف ايش اقول بس انا متاكده ان الدنيا بتدور وبتعيش كل لحظه الم عيشتني هيا !
الدنيا بتدور وربي بعيشك كل التعب النفسي اللي عيشتني اياه
يارب وقتها بس تفتكرني وتحس بايش احس انا
استغفرلله يحز بقلبي اني اكتب عنك كذا
الله يسامحك وبس !
