في ناس بحياتنا مستحيل تتغير! مسسستحيل
مو لان التغير صعب او لانه طبع ومايقدر فلان او فلانه تغيره
لا ابدا !!
يعني مثلا انت تكلم شخص عن طبع معين انك ماتحبه مثلا
تروح لفلان وتقوله ي فلان انا ما احب احد يقرا كلامي ومايعلق عليه !
واضحه صح ! وبسيطه !
التغيير هنا سهل جداً !!
لكن بالمقابل الشخص هذا يعيد الحركه مليون مره ! وانت تعاتب وتعاتب ع امل انه فلان يستجيب
طيب مافي استجابه !
قررت انت تغير طريقتك وحطيت ل فلان عذر من باب التمس لاخيك المسلم سبعين عذراً
العذر انه مثلا يمكن فلان بذاك الوقت ماكان فاضي ويمكن ماكان بالمود انه يرد او او او
ف قررت انت تغيير طريقتك وتروح ل فلان .. وتقوله التالي
- فلان لمن تفضى انا بكلمك بموضوع مثلا!
ويرد عليك ..
- طيب
ويفتح معك مواضيع ثانية ويمر يوم ويومين وفلان مافضى !
رغم انه يجي ويكلمك بمواضيع عاديه
اكيد مر على احد هذا السناريو
انا شخصياً مر عليا وكان شعور صعب وحاجه مستفزه لابعد حد
____________________________________________
احيانا احنا نكون مستعدين نشارك حياتنا مع الناس التانية بالمقابل هما مايكون عندهم هذا الاستعداد
نكون مستعدين نتغير ونتأقلم عشان نتعايش بسعاده معاهم بس هما مو مستعدين
التغيير بالصفات الصغيره بسيط جداً
دايم حط ببالك ان الشخص اللي يحبك جد يحاول يتغير عشانك
يحاول قد مايقدر يكسر كل الحواجز عشان يكون معاك
ابدا ابدا لا تكون انت الشخص المتنازل الوحيد باي علاقه لان هذا اكبر غلط تسويه بحق نفسك
لمن انت تحرق بنفسك وتاكل فيها عشان شخص يعيش مو حاس ولا مقدرك
هذا حرام !
لمن ربنا قال ولنفسك عليك حق
ماكان الحق بس انك تاكلها !
ماكان الحق بس انك تحافظ ع صحتك الجسدية !
دايماً لصحتك النفسية حق
لازم نكون شخص خفيف بعلاقتنا شخص ذكي يستشف من حركات الشخص الاخر
اذا كان وجوده مرغوب او لا !
اذا كان افعاله مقدره او لا !
حب نفسك وكرمها وقدرها .. بعدها عن الاهانة وخليك عفيف نفس
للاسف احيانا مايكون بحياته الشخص مكان لك
وهذي حقيقة لازم ماتنكرها
في ناس حياتها ماشيه ع روتين معين .. الشخص هذا ماحبك كفاية عشان يكسر الروتين ويضيفك بحياته
وفي نوع ثاني من الناس
يكون يبغاك بس كمان يبغى روتينه وحياته
تسير انت في حياته زي الحاجه المركونه .. اذا حب يهتم فيها يروح واذا ماحب تركها تنتظر
تقدير الذات شي عظيم ..
وحلو ي حواء ويا ادم تكونو خفيفين ظل
* انا ما اتفلسف .. انا اكتب هذا الكلام لنفسي قبل اي شخص اخر
الله يقدرني ويقدركم نكون ناس خفاف ظل بحياته كل الناس
ويقوى قلوبنا ويبعدنا عن الناس اللي مالنا مكان بحياتهم
حتى لو كانو اغلى الناس ع قلبنا
ليست هناك تعليقات:
إرسال تعليق